Pas arrestimit, dy shqiptarët u dërguan në burgun Santo Spirito në Siena, në pritje të arrestit shtëpiak në shtëpitë e tyre, me aplikimin e byzylykut elektronik.
ITALI- Në orët e para të mëngjesit të së shtunës së 19 nëntorit të kaluar, Policia e Shtetit të Sienës ka kryer dy masa kufizuese, për krime të dhunës seksuale në grup ndaj dy shtetasve shqiptarë, S.M 22 vjeç dhe H.O 32 vjeç.
Sipas mediave italiane, pas arrestimit, dy shqiptarët u dërguan në burgun Santo Spirito në Siena, në pritje të arrestit shtëpiak në shtëpitë e tyre, me aplikimin e byzylykut elektronik.
Çështja e dy masave është rezultat i rindërtimit të përpiktë të fakteve që u zhvillua nëpërmjet shikimit të kujdesshëm të mbi njëqind orësh filmime të marra nga qarqet e ndryshme të vëzhgimit me video në zonën në fjalë. Aktivitetet, të cilat angazhuan për disa ditë e natë burra e gra të komisariatit të Poggibonsit, bënë të mundur identifikimin e dy të dyshuarve dhe rindërtimin e fakteve.
Nga hetimet e kryera rezultoi se, pas një nate të kaluar në një klub të njohur në Valdelsa, mes konsumimit të drogës dhe alkoolit, disa muaj më parë, duke përfituar nga gjendjen e saj të dehur, vajza e re dyshohet se ka pësuar dhunë seksuale brenda në makinë, e parkuar jo shumë larg hyrjes së klubit. Vajza, pas dhunës së pësuar, është shoqëruar nga vetë përdhunuesit pranë shtëpisë së saj dhe është lënë aty në kushte jo të mira psikofizike.
Pas denoncimit të vajzës në komisariat, kanë nisur hetimet, të koordinuara nga Prokurori Publik në Gjykatën e Sienës, të cilat kanë çuar në identifikimin e dy të dyshuarve.
Oficerët e policisë së Komisionerit të Sigurisë Publike të Poggibonsi, të ndihmuar nga kolegët e SOSC, Policia Postare, Skuadra Lëvizëse e Shtabit të Policisë së Sienës dhe Njësitë Dog të Firences, kontrolluan shtëpitë e të dyve, duke kërkuar telefona, rroba të veshura gjatë natës, fakte dhe droga të mundshme. I paçmuar ka qenë kontributi i qenit të policisë Eviva, i cili gjatë operacioneve ka bërë të mundur gjetjen e sasive edhe të vogla të lëndës narkotike në shtëpinë e njërit prej dy të dyshuarve.
