Ish-kryeministri Sali Berisha thotë se inspektorët e tatimeve kanë zbarkuar sot në televizionin “Ora News”, ndërsa e quan si një sulm të kryeministrit Edi Rama ndaj medias.
I pyetur se “si mund t’i bëjë mediat për vete”, Berisha tha se kryesore për çlirimin e medias në vend është largimi i Ramës.
“Sot ka filluar një sulm kundër Ora News. E dënoj me ashpërsinë më të madhe”, u shpreh Berisha, ndërsa drejtuesi Syri.Tv, Çim Peka tha se tatimorët kishin qenë sot edhe në ambientet e televizionit të tij.
“Kanë qenë edhe këtu gjithë ditën…ishin gjithë ditën, por nuk gjetën…”, tha gazetari Peka.
