Ish-kandidatja republikane për nënpresidente Sarah Palin, ka vazhduar të darkojë në restorantet e qytetit të Nju Jorkut, pavarësisht se ka rezultuar pozitive me Covid-19. The Guardian shkruan e ish-guvernatorja e Alaskës, e cila nuk është e vaksinuar, u pa të mërkurën duke ngrënë jashtë në restorantin Elio’s në anën e sipërme lindore, pasi rezultoi pozitiv me Covid. Palin kishte darkuar në të njëjtin restorant të shtunën mbrëma, ku ajo u pa duke ngrënë në ambiente të mbyllura në kundërshtim me rregullat e qytetit që kërkonin vërtetimin e vaksinimit për darkimin në ambientet e brendshme.
Palin u pa gjithashtu duke ngrënë jashtë natën e së martës në Campagnola. Nën drejtimin e CDC, njerëzit me Covid-19 duhet të izolohen për të paktën pesë ditë për të shmangur përhapjen e mëtejshme. Menaxheri i restorantit të Elio, Luca Guaitolini tha për Neë York Times se po hetonte vizitën e Palin të shtunën dhe se restoranti kishte bërë një gabim. Menaxheri tha se Palin me siguri kishte hyrë brenda dhe kishte shëtitur u bashkua me një klient të rregullt.
“Sonte Sarah Palin u kthye në restorant për të kërkuar falje për rrëmujën rreth vizitës së saj të mëparshme. Në përputhje me mandatin e vaksinës dhe për të mbrojtur stafin tonë, ne e ulëm atë jashtë. Ne jemi një restorant i hapur për publikun dhe i trajtojmë të gjithë civilët njësoj,” tha Guaitolini.
