Drejtuesit e klubit katalanas dëshirojnë që të largojnë Gerard Pique. Në mbledhjen e asamblesë ata u shprehën se duhet të eliminojnë futbollistët që paguhen shumë, por që nuk po japin kontribut në ekip.
Media spanjolle “MARCA” raporton se ata po këmbëngulin që ai të largohet nga Barcelona në mënyrë që të mos shpenzojnë më para. Ata u përpoqën edhe sezonin e kaluar, por dështuan.
Futbollisti ishte i vendosur në ruajtjen e kontratës së tij të mbrojtur nga një rregull i La Liga-s me të cilin nuk mund të bëhen reduktime apo shtyrje të reja. “Ne e pranojmë sportivisht ”, tha Laporta në Kuvend duke e ditur se ligjshmëria i mbron lojtarët.
Por ka metoda të tjera për ta bindur atë të largohet nga klubi. Klubi do të nënshkruajë me një qendërmbrojtës të ri për të forcuar skuadrën. Në këtë mënyrë, Pique do të bëhet qendërmbrojtësi i gjashtë i skuadrës, një situatë e vështirë për t’u pranuar.
Ai pati një mundësi të mirë duke luajtur kundër Interit për t’u treguar të gjithëve se e kishin gabim në lidhje me të dhe se ai është ende i vlefshëm për të udhëhequr mbrojtjen e Barçës, por nuk e shfrytëzoi mundësinë.
