Deputeti Ervin Salinji tha se Partia Demokratike është vetëm një pavarësisht grupimeve. I ftuar në “Zonë e Lirë”, Salianji u pyet nga Arian Çani nëse pas 6 marsit PD është ndarë në 3 pjesë apo jo dhe e mohoi këtë gjë. Deputeti tha se ka vetëm një PD, por që nuk e mbështet kryedemokratin Lulzim Basha.
Pjesë nga biseda:
Arian Çani: Deri para 6 marsit kishim 2 grupime, njërin të Sali Berishës dhe tjetrin të Lulzim Bashës, ndërsa tani ka dalë edhe një grupim deputetësh që kërkojnë dorëheqjen e Bashës.
Ervin Salianji: Mund të ketë 50 mendime të ndryshme, por ajo që synohet është të bashkohet PD, pra të kemi një parti të bashkuar.
Arian Çani: A e ka Lulzim Basha me vete shumicën e Grupit Parlamentar
Ervin Salianji: Jo, Lulzim Basha nuk është shumicë në grup.
