Një person i paidentifikuar ka kaluar kufirin e fortifikuar në Korenë e Veriut. DW shkruan se lajmi është bërë me dije nga ushtria e Koresë së Jugut.
Shefi i Përgjithshëm i Shtabit (JCS) tha se kreu një operacion kërkimi pasi zbuloi personin rreth orës 21:20 të së shtunës me anë të në pajisjeje vëzhgimi në anën lindore të Zonës së Çmilitarizuar e cila ndan dy Koretë. Por, pavarësisht vëzhgimit, person në fjalë nuk u arrit që të kapej.
“Kemi konfirmuar se personi ka kaluar kufirin e vijës së Demarkacionit Ushtarak rreth orës 22:40 dhe ka dezertuar në veri,”- tha Shefi i Përgjithshëm i Shtabit, duke shtuar se nuk mund të konfirmonte nëse personi ishte gjallë.
Shefi i Përgjithshëm i Shtabit i dërgoi një mesazh Koresë së Veriut të dielën në mëngjes për të garantuar sigurinë e personit në fjalë, por nuk ka marrë asnjë përgjigje.
Në korrik të vitit 2020, udhëheqësi i Koresë së Veriut Kim Jong Un shpalli një emergjencë kombëtare dhe kufijtë pasi një dezertor për të cilin ai tha se kishte simptoma të COVID-19 kaloi ilegalisht kufirin në Veriu nga Jug.
Dy Koretë janë të ndara përgjatë kufirit më të armatosur në botë, të quajtur Zona e Çmilitarizuar. Rreth 2 milionë mina janë vendosur brenda dhe pranë zonës 248 kilometra të gjatë dhe 4 kilometra të gjerë, e cila ruhet gjithashtu nga gardhe me tela me gjemba, vendstrehime tankesh dhe trupa luftarake nga të dyja anët. Dezertimi përmes kësaj zone kufitare janë të rralla.
