Modelja britanike Cara Delevingne mahniti me paraqitjen e saj në Kanë, pasi muajin e kaluar shumë ishin të shqetësuar për shëndetin e saj sepse dyshohet se ajo ka probleme me konsumimin e drogës.
Ajo mori pjesë në panairin e marketingut MIPCOM, organizuar nga Reed MIDEM. Për këtë ceremoni ajo ka zgjedhur një fustan të zi të shkurtër dhe taka elegante.
Kjo është dalja e saj e dytë në publik pasi paparacët publikuan një video në të cilën ajo sillej në mënyrë të çuditshme.
Ajo u pa më parë në Paris në prezantimin e koleksionit të modës pranverë/verë 2023, i cili u krijua për nder të legjendarit Karl Lagerfeld.
Kujtojmë, fotografët e filmuan teksa po priste transportin për në aeroportin Van Nuys në Los Angeles.
Teksa bënte një telefonatë, ajo u rrotullua dhe tundi krahët në mënyrë të pakontrolluar, gjë që shkaktoi reagime të shumta në rrjetet sociale.
Ajo ende nuk ka bërë të ditur akoma asgjë për këtë ngjarje.
