SHBA- Khloe Kardashian 38-vjeçare dhe ish-partneri i saj Tristan Thompson 31-vjeçar janë në pritje të një fëmije nëpërmjet surrogatit, raporton TMZ. TMZ ka raportuar se foshnja pritet të lindë nga momenti në moment. Ata tashmë janë prindër edhe të një vajze 4-vjeçare, True.
“Ne mund të konfirmojmë se True do të ketë një vëlla, i cili u ngjiz në nëntor. Chloe është jashtëzakonisht mirënjohëse që ka një nënë surrogate të mrekullueshme. Ne do të dëshironim të kërkojmë mirësi dhe privatësi në mënyrë që Chloe të mund të fokusohet tek familja e saj”, tha përfaqësuesja e Khloe Kardashian për revistën People.
Sipas një burimi, foshnja u ngjiz përmes një surrogate përpara se të zbulohej se 31-vjeçari Tristan Thompson lindi një fëmijë me dikë tjetër, ndërsa ai ishte tashmë në një lidhje me Khloe Kardashian. Siç raporton përfaqësuesja: “Khloe dhe Tristan ishin tashmë në proçesin e të paturit të një fëmije të dytë kur shpërtheu skandali, me Khloe që tha do ta bëj vetë”. Një burim tjetër shtoi: “Khloe dhe Tristan nuk janë përsëri bashkë dhe nuk kanë folur që nga dhjetori, përveçse bashkëprindërimi”.
Khloe Kardashian dhe lojtari i NBA i dhanë fund lidhjes së tyre në janar, kur u zbulua se Tristan lindi një tjetër fëmijë, i lindur më 1 dhjetor, me Marali Nichols, që do të thotë se ai e tradhtoi Khloe.
Marrëdhënia e çiftit ishte e trazuar, pasi Thompson e kishte tradhtuar përsëri Khloe-n në vitin 2018, kur ajo ishte shtatzënë me vajzën e tyre, True, dhe përsëri në 2019 me shoqen më të mirë të Kylie Jenner, Jordyn Woods. Përsa i përket shtatzënisë surrogate, Khloe është shprehur e hapur për luftën e saj për të mbetur shtatzënë. Gjatë një episodi të vitit 2021 të reality show-t të familjes, ajo zbuloi se mjekët e informuan atë se nëse do të zgjidhte të mbante fëmijën e saj të dytë, shtatzënia e saj do të ishte “me rrezik të lartë”.
