Presidenti i Gjykatës Kombëtare të Drejtësisë të Ekuadorit ka nënshkruar një kërkesë ekstradimi duke kërkuar kthimin e ish-presidentit Rafael Correa, i cili jeton në Belgjikë dhe në vitin 2020 u dënua në mungesë me tetë vjet burg për akuzat për ryshfet.
Sipas Ajlazeeras, Ivan Saquicela tha të premten se ai kishte nënshkruar kërkesën bazuar në një marrëveshje ekstradimi midis Ekuadorit dhe Belgjikës, dhe marrëveshjeve të tjera ndërkombëtare.
“Dje, unë nënshkroa vendimin për fillimin e procesit të ekstradimit. Ne kemi një bindje të fortë. Ka një marrëveshje me Belgjikën dhe marrëveshje ndërkombëtare, si dhe ligji për ekstradimin, të cilat mbështesin kërkesën tonë nga pikëpamja ligjore. Këtu nuk ka gjykime vlerash,”-tha Saquicela.
Correa, i cili shërbeu si president i Ekuadorit nga viti 2007 deri në 2017, u akuzua së bashku me disa ish-zyrtarë qeveritarë dhe biznesmenë për pjesëmarrje në një skemë korrupsioni që pa ryshfet të paguara për kontratat publike gjatë presidencës së tij.
Correa u akuzua për një pagesë prej 6,000 dollarësh në llogarinë e tij private, për të cilën ai pretendon se ishte një hua. Ai ka mohuar të gjitha akuzat, duke thënë se është viktimë e përndjekjes politike të orkestruar nga kundërshtarët e tij.
