– Policia qipriote ka kryer një operacion, ku ka bërë të mundur sekuestrimin e 3.5 kilogramëve marijuanë. Aksioni është zhvilluar në zonën e Limasolit, teksa blutë kanë tentuar të ndalojnë një automjet, që dyshohej për transportim të lëndëve narkotike.
Pas sinjalizimit, policia ka bllokuar mjetin që drejtohej nga një 41-vjeçar, ndërsa pasagjer ishte një 37-vjeçar. 41-vjeçari ka arritur të largohej, ndërsa pasagjeri 37-vjeçar tentoi gjithashtu të ikte duke u përplasur me makinën e policisë, por u arrestua disa orë më vonë.
Sakaq gjatë kontrollit policia sekuestroi një çantë me 4 pako që përmbanin 3.5 kg marijuana, ndërsa ka publikuar foton e 41-vjeçarit që është në kërkim. Ai është identifikuar si Jorgo Rrenjollari dhe ndaj tij tashmë ka një urdhër arresti.
