Eni është një banor që u fut me “valën” e dytë të banorëve në shtëpinë e Big Brother. Ai ka qenë shpesh i heshtur por ajo që ka treguar i ka prekur të gjithë.
Arbana e thirri në dhomën e rrëfimit dhe e falënderoi që solli në vëmendje një plage të madhe të shoqërisë Shqiptare. Një duartrokitje të madhe.
Pastaj në ekran u shfaq linja e jetës së Enit. Një histori drithëruese.
Rrëfimi:
Jam 29 vjeç rritur në një familje të thjeshtë, unë mami dhe babi.
Ata kanë bërë aq sa kanë mundur për të më rritur. 10 vjeç dallova që gjërat në familje nuk ishin edhe aq mirë. Im atë pinte alkool dhe babi nuk ishte afër. Më mungonte ngohtësia e babit.
Nuk mundja dot të qeshja me të, të luaja, të shkëmbeja një fjalë. Ka tentuar të ngrejë dorë kundër nënës dhe jam përleshur me të që të mbroj mamin. Ajo ka abortuar dy herë. Kam bërë sikur nuk e kam kuptuar, por e kam përjetuar.
Isha në klasë të 6 kur vendosëm të iknim me mamin, erdhëm në Tirane dhe jetuam te gjyshi. Isha fëmijë dhe nuk doja të rrija larg shtëpisë time. Doja që prindërit e mi të ishin bashkë. Ky ishte gabimi im. Fajtori jam unë, – përfundoi ai.
