TURQI- Rexhep Tajip Erdogan i shtoi “benzinë zjarrit” rreth çështjes së Qipros, në një kohë kur Athina dhe Ankaraja po negociojnë për të ashtuquajturat, ujëra të qeta në Egje, ndërsa presidenti turk bën deklaratë nxitëse.
Siç raportohet nga CNN Turk, presidenti turk duke folur me ushtarët në një ngjarje të ushtrisë turke, e karakterizoi pushtimin turk të Qipros si një “operacion paqësor” dhe theksoi se nëse Turqi nuk do të kishte ndërhyrë në vitin 1974, sot askush nuk do të fliste për turq qipriotë dhe as për Republikën Turke të Qipros së Veriut. Ai shtoi se nëse operacioni do të ishte shyrë më në jug, Qiproja nuk do të ishte e ndarë por do të ishte e gjitha e Turqisë.
“Gjysmë shekulli më parë, turqit qipriotë u kthyen nga pragu i gjenocidit. Në “Operacionin Paqja” të vitit 1974 ranë dëshmor 498 ushtarë tanë nga të gjitha anët e vendit tonë, oficerë, nënoficerë dhe burra. Me gjithë presionet, nëse nuk do të ishte ndërhyrja e Turqisë, sot nuk do të ekzistonin as Republika Turke e Qipros Veriore, as turqit qipriotë. Në fakt, ndoshta nëse do të kishim shtyrë në jug, nuk do të kishte më jug dhe veri dhe Qiproja do të ishte plotësisht e jona”, argumentoi presidenti turk.
Ao vazhdoi duke thënë: Nëse duam të jetojmë në vendin tonë, të zhytur në gjakun e dëshmorëve, të lirë dhe me kokën lart, nuk na mbetet gjë tjetër veçse të vazhdojmë të prishim lojërat. Nga ky këndvështrim, ekzistenca e një ushtrie të fortë është për ne detyrim dhe jo opsion. Ne jemi një vend, një komb dhe një ushtri që duhet të ruajë gjithmonë aftësinë e saj parandaluese në nivelin më të lartë. Si komb turk, vetëm përpjekjet tona, forcat tona, mjetet tona dhe aftësitë tona që kemi zhvilluar mund të na mbrojnë nga armiqtë tanë.
“Tani kemi ndërtuar aeroplanmbajtësen tonë. Për çfarë po flasim? Nuk mjafton. Tani jemi të vendosur të ndërtojmë një aeroplanmbajtëse të dytë, edhe më të madhe. Gjenerali ynë është përgjegjës për këtë, komandanti ynë i marinës po punon me ekipin e tij dhe aktualisht po vazhdojmë kërkimin tonë. Ne po punojmë për shumë gjëra. Ne po mundohemi të ndërtojmë nëndetëse pa pilot, me dashtë Zoti do ta arrijmë edhe këtë”, shtoi Erdogan.
Erdogan shpjegoi edhe një herë pse Turqia duhet të jetë e pavarur në mbrojtje nga vendet e tjera dhe pse aleancat nuk e sigurojnë atë.
“Ne e dimë nga përvojat e hidhura të kohëve të fundit se kur arrijmë në këtë pikë, as aleancat në të cilat jemi anëtarë dhe as organizatat ndërkombëtare detyra e të cilave është të mbrojnë paqen botërore nuk janë të dobishme. Kjo është arsyeja pse ne vazhdimisht kërkojmë një industri të brendshme dhe kombëtare të mbrojtjes dhe punojmë për një Turqi plotësisht të pavarur në çdo fushë,” tha ai.
