Banka Qendrore Evropiane shpreson të ketë të gjitha vendimet politike në vend deri në fillim të vitit të ardhshëm për të lëshuar euron dixhitale dhe më pas do të duhen dy deri në tre vjet për të lançuar monedhën.
BQE-ja ka punuar për një version dixhital të euros për vite me radhë, por progresi ka qenë më i ngadaltë se sa pritej, kryesisht sepse legjislacioni ende nuk është në fuqi për të lejuar bankën të vazhdojë.
Trazirat financiare pas zgjedhjes së Donald Trump si President i SHBA-së kanë rritur urgjencën, megjithatë, pasi Evropa mbështetet në firmat e mëdha amerikane për shumicën e pagesave dixhitale, një dobësi e mundshme financiare.
“Shpresoj të kem bërë gjithçka deri në fillim të vitit të ardhshëm, shumë herët vitin tjetër,” anëtari i bordit të BQE-së, Piero Cipollone në një konferencë kur u pyet për kohën e kuadrit ligjor. “Ne kemi nevojë për legjislacionin në vend, dhe nga kjo, dy deri në tre vjet do të jenë të mjaftueshme për të lançuar euron dixhitale.”
Ndryshe nga kur ato bëjnë një pagesë me kartë me anë të kartave si Visa ose Mastercard, konsumatorët që paguajnë me një kartë dixhitale do të kenë një kërkesë të drejtpërdrejtë ndaj bankës qendrore dhe fondet e tyre do të jenë të ngjashme në funksion dhe siguri si paratë “cash”.
Kjo do t’u lejonte klientëve të kryenin pagesa të drejtpërdrejta si në formate online ashtu edhe offline.
Cipollone tha se një pengesë kryesore është arritja e një marrëveshjeje politike nga shtetet anëtare të BE-së, por kjo mund të arrihet para verës. Puna nga Parlamenti Evropian mund të zgjasë disi më shumë, shtoi ai.
Kur u pyet nëse Trump mund ta përshpejtonte procesin, kreu i bankës qendrore franceze, Francois Villeroy de Galhau, duke folur në të njëjtin aktivitet, tha se kjo rriti vendosmërinë e BQE-së.
