ZVICER – Pas përfundimit të raundit të katër të Champions League, vëmendja zhvendoset te kompeticionit i dytë më i rëndësishëm për klube në kontinent: Europa League. Luhen sonte ndeshjet e katërta në fazën kualifikuese të këtij kampionati, ku nuk mungojnë sfidat interesante.
Pa dyshim që vëmendja më e madhe do të jetë te supersfida mes Galatasarayt dhe Tottenhamit. Spurs synon të ruajë rekordin e tyre perfekt në Europa League, kur do të vizitojë gjigantin turk Galatasaray të enjten. Ata kanë fituar të tre ndeshjet e tyre evropiane këtë sezon, pavarësisht nga rotacioni i rëndësishëm ndaj Qarabag, Ferencvaros dhe AZ Alkmaar.
Totteham qëndron vetëm pas Lazios në renditjen e fazës së ligës dhe janë një nga vetëm tre skuadrat që kanë fituar të gjitha ndeshjet e tyre në kompeticion deri më tani. Megjithatë, Gallata sigurisht që do t’ua vështirësojë jetën vizitorëve të tyre anglezë, skuadra turke ka fituar shtatë pikë nga tre ndeshjet e tyre hapëse, më së fundi mundi Elfsborg 4-3. Ata gjithashtu udhëheqin Super Ligën ndërsa mbrojnë kurorën e tyre.
Jo më pak të rëndësishme janë Manchester United-PAOK dhe Lazio-Porto. “Djajtë” e Manchesterit synojnë të sigurojë fitoren e parë në Europa League. Trajneri i ardhshëm Ruben Amorim i gëzoi pa masë tifozët e United të martën në mbrëmje, ku befasoi Manchester Cityn me Sportingun e tij, ndërkohë edhe në këtë mesjavë do të jetë në pankinën e United, trajneri i përkohshëm Ruud van Nistelrooy.
Holandezi mbikqyri një fitore 5-2 të Leicester Cityt në debutimin e tij në pankinën e nxehtë, por “Djajtë e Kuq” u rikthyen në një barazim jofrymëzues 1-1 me Chelsean në fundjavë.
Amorim, i cili merr drejtimin e daljes së tij të parë në United pas pushimit ndërkombëtar të nëntorit, do të shikojë me interesim të madh paraqitjen e ekipit të tij të së ardhmes që është ende në kërkim të fitores së parë në Evropë këtë sezon. Deri më tani ata kanë grumbulluar vetëm barazime frustruese me Twente, Porto dhe Fenerbahce, duke i lënë ata në gjysmën e fundit të renditjes.
Për sa u përket futbollistëve shqiptarë, Qarabagu i Xhixhës luan në transfertë ndaj Bodo/Glim, Rengers i Bajramit është udhëtues në Athinë, ku i pret Olympiakos.
