ITALI- Notarja shqiptare, Eva Buzo, ka nisur një tjetër tentativë për të notuar nga Italia në Shqipëri, pas dështimit të vitit të kaluar. Eva vitin e kaluar u ndal pas 28 orësh not dhe 75 kilometrash, vetëm 16 kilometra larg nga mbërritja në Vlorë. Notarja shqiptare gjatë përpjekjeve të vitit të kaluar u përball me probleme fizike dhe komplikime shëndetësore që e detyruan të ndërpresë garën.
Për shkak të pickimeve nga kandilat dhe lodhjes ekstreme, Eva shfaqi probleme në të folur dhe u detyrua të kërkonte ndihmë mjekësore. Pas transportimit në breg nga mjetet ujore që e shoqëronin, Buzo u shtrua në spitalin e Vlorës, ku u konstatua se ndodhej në një gjendje të qëndrueshme, por me nevojë për rikuperim të mëtejshëm. Ditën e sotme Eva Buzo fillo sërish përpjekjen për të realizuar sfidën e saj.
