Një i moshuar shqiptar që kërkohej nga familjarët, është përplasur për vdekje nga një tren në Itali.
Xhevdet Zena, 73-vjeç ishte larguar nga shtëpia dhe familjarët e tij po e kërkonin kudo. Vajza e tij kishte ngritur alarmin edhe në rrjetet sociale, duke shkruar:
“Ne po kërkojmë babanë tim që doli nga shtëpia rreth orës 16:00 dhe nuk u kthye në shtëpi. Nëse dikush e sheh atë, ai ka vallto kafe dhe ecën ngadalë.”
Por shqiptari me banim në Robbio, u përplas rreth orës 18:00 nga treni që udhëtonte nga Pavia në drejtim të Vercelli, pranë Castelnovettos. Ai po ecte në shtratin e rrugës, në errësirë kur u përplas nga treni. Ai kishte thënë se do të shkonte në Nicorvo me tren, nga Robbio, dhe pastaj do të bënte një shëtitje dhe do të kthehej në këmbë.
