SHBA – Në verën e vitit 2023, Lionel Messi vendosi të largohej nga Evropa përtej Atlantikut dhe të vazhdonte karrierën e tij në SHBA dhe MLS.
Pas… presionit intensiv nga David Beckham, kampioni i botës 2022 me Kombëtaren e Argjentinës veshi fanellën rozë të Inter Miami.
Që në ditën e parë të konfirmimit të transfertës, shitjet e produkteve (sidomos fanellave) të lidhura me Messin dhe Inter Miami u rritën, ndërkohë që të gjitha ndeshjet që ai luajti në SHBA i kishin biletat e ezauruara.
Në të njëjtën kohë, MLS gjithashtu ngriti në qiell çmimin mesatar të biletave dhe liga fitoi një prestigj të madh… Pak ditë më parë TIME zgjodhi Messin si sportistin e vitit 2023 dhe tashmë Vogue ka ardhur për ta… hyjnizuar.
Revista kryesore ka zgjedhur 15 artikujt më të mirë të modës që përcaktuan në vitin 2023 dhe mes tyre është edhe uniforma rozë e Lionel Messit!
“Dashuria e modës me futbollin është rritur në vitin 2023. Vitin e kaluar, argjentinasi Lionel Messi, ndoshta lojtari më i mirë i gjeneratës së tij, udhëhoqi vendin e tij drejt fitores në Kupën e Botës dhe në korrik të këtij viti njoftoi se do t’i bashkohej Inter Miamit në Liga e Madhe të Futbollit të Shteteve të Bashkuara.
Menjëherë pas njoftimit, fanella e Inter Miami, në një nuancë të papritur të rozës, u shit, duke krijuar një industri të lulëzuar.
Tani, gati pesë muaj më vonë, fanella zyrtare me numrin 10 të Messit mbetet në listën e pritjes në shumicën e madhësive në faqen e internetit të Adidas”, shkruan Vogue. Bluza e Messit është gjithashtu nr. 1 në shitje në Adidas.
