Detaje të reja janë mësuar nga aksidenti i rëndë i ndodhur në qendër të Tiranës ku një makinë e marketit Pronatyra përplasi tre fëmijë, të cilët po qarkullin me dy skuterë në bulevardin Dëshmorët e Kombit në Tiranë.
Burime për Vox News nga Trauma, pohojnë se fëmijët ishin të moshës 9-11 vjeç. I mituri me inicialet O.A. 11 vjeç është në gjendje shëndetësore të qëndrueshme, ashtu si dhe 9 vjeçari me iniciale E.S.
Burime nga Trauma pohojnë se i mituri me iniciale J.N ndodhet në gjendje të rëndë shëndetësore. Të tre pacientët e aksidentuar janë në monitorim mjekësor.
