Vatrat e zjarrit janë rikthyer në vend, këtë herë në Poliçan, ku u përfshi një zonë e pyllëzuar prej 10 hektarësh.
Fillimisht u dyshua se zjarri ishte vënë qëllimisht nga një person me probleme me shëndetin mendor, por më vonë u tha se flakët kishin nisur nga një fermer në fshatin Vertop që po digjte barishtet e këqija në arën e vet.
Flakët i kanë dalë jashtë kontrollit duke djegur dhjetë hektarë pyje deri më tani.
Në vendin e ngjarjes kanë mbërritur zjarrëfikëset e Poliçanit , por terreni dhe erërat favorizojnë për momentin përhapjen e mëtejshme të tyre. Policia thotë se ka ndaluar fermerin me akuzën e zjarrvënies.
