Barcelona nuk di të ndalet në këtë fillim të kampionatit. Katalanasit regjistruan fitoren e pestë radhazi, në po kaq ndeshje të zhvilluara në La Liga.
Skuadra e drejtuar nga Hansi Flick, mposhti me shifrat e thella 4-1 Gironën në transfertë.
Yamal realizoi dopietë në pjesën e parë, ndërsa Olmo dhe Pedri në pjesën e dytë, kompletuan fitoren e miqve.
Me këtë triumf, Barcelona vazhdon e qetë në krye të renditjes me 15 pikë, 4 më shumë se ndjekësit e Real Madrid.
Ndërkohë Girona, renditet në vendin e 7-të me 7 pikë dhe duket larg skuadrës që ishte një sezon më parë, ku i mahniti të gjithë.
