Lewis Hamilton foli gjatë prezantimit të W13 të ri, makinës me të cilën Mercedes do të garojë në kampionatin e ri botëror 2022 të Formula 1. Piloti britanik, pas zhgënjimit të disa muajve më parë në Abu Dhabi, synon të luftojë sërish për kampionatin botëror të pilotëve, ku kundërshtari kryesor do të jetë kampioni në fuqi Max Verstappen.
“Është një moment shumë emocionues, – tha ai. – Është viti i dhjetë dhe është fantastik. Është privilegj të jem këtu, nuk i kam vënë vetes asnjë objektiv, por është e qartë se ekipi gjithmonë po ngre shiritin. Tani fillojmë nga e para, nga një fletë bosh”.
Shtatë herë kampioni i botës komentoi më pas thashethemet për një tërheqje të mundshme të tij në muajt e kaluar: “Kurrë nuk kam thënë se do të ndalem ndonjëherë. Më pëlqen të bëj këtë punë dhe është një privilegj të punoj me këtë grup njerëzish. Sigurisht që ishte e vështirë koha për mua, ku më duhet të bëj një hap prapa dhe të fokusohem në familjen time dhe rrethinën time. Por më pas arrita në një pikë ku doja të kthehesha në sulm.”
“Është bukur të shohësh se si George sjell energjinë e tij këtu, mund ta ndjeni, – shtoi Hamilton. – Është diçka pozitive të kesh gjak të ri. George ka pasur një karrierë fantastike deri më tani. Që kur mbërriti në Formula 1, ai ka fituar përvojë. Do të jetë mirë të punosh me të.
Tani do të na duhet të bashkëpunojmë, duke shpresuar të marrim makinën në të njëjtin drejtim. Emocioni është gjithmonë i njëjti. Është gjithmonë emocionuese të shihni makinën e re. Këtë vit ka një ndryshim drastik, siç nuk e kemi parë kurrë më parë.”
