Një statujë bronzi e legjendës së NBA-së, Kobe Bryant dhe vajzës së tij Gianna, u vendos të mërkurën në vendin e përplasjes në Calabasas, Kaliforni, ku vdiqën Bryant-s dhe shtatë të tjerë.
Të mërkurën u mbushën dy vjet nga rrëzimi i helikopterit, i cili u përcaktua nga hetuesit federalë se ishte shkaktuar nga çorientimi i pilotit për shkak të kushteve të mjegullës.
Statuja, e krijuar nga skulptori Dan Medina, tregon Kobe Bryant me uniformën e tij të Lakers me krahun e tij rreth Gianna-s, e cila gjithashtu ka veshur një uniformë basketbolli dhe mban një top basketbolli në dorë.
Baza e statujës ka emrat e të nëntë viktimave të aksidentit të gdhendur në një pllakë.
Skulptori, Dan Medina, shkroi:
“Heronjtë vijnë dhe shkojnë, por legjendat mbesin përgjithmonë”, gjersa nderoi edhe shtatë viktimat e tjera me emrat e tyre në një pllakë, në bazën e statujës.
Kobe, i cili ishte 41 vjeç në kohën kur ndërroi jetë, dhe Gianna 13 vjeç, po fluturonin nga Orange County në një turne basketbolli, në Ventura County.
