Mbrëmjen e sotme emisioni investigativ ” Stop ” transmetoi rastin e një vjedhjeje në një banesë në Patos .
Denoncimi ka ardhur nga Pëllumb Malaj djali i vogël i shtëpisë , i cili është emigrant prej 20 vitesh në Greqi . Ai tregon se në shtëpi jeton e vetme mamaja e tij 85-vjeçare dhe pas kësaj ngjarje ka frikë për sigurinë e saj .
Ai tha se para disa ditësh në shtëpinë e tij janë futur dy hajdutë , kanë dhunuar banesën dhe kanë vjedhur 10 pula deti . Për këtë arsye është detyruar të vijë nga Greqia për të bërë denoncimin .
Pasi pretendon se nuk ka gjetur zgjidhje nga policia Pellumbi ka hapur kamerat e shtëpisë dhe ka mësuar se personi që ka vjedhur banesën ishte pikërisht fqinji i tij Bajram Sulejmani . Ndërkohë ky i fundit nuk pranon akuzën e bërë .
