Kryeministri kanadez Justin Trudeau foli me presidentin ukrainas Volodymyr Zelensky për shqetësimet e sigurisë në Evropën Lindore. CNN shkruan se Kanadaja njoftoi gjithashtu një lëvizje të përkohshme të ambasadës së saj në Ukrainë nga Kievi në Lviv.
Trudeau ndau shqetësimet e tij të shtunën me Zelenskyn për vazhdimin e ngritjes së forcave ushtarake ruse në dhe rreth Ukrainës, si dhe aktivitetet e vazhdueshme të agresionit dhe destabilizimit të Rusisë. Trudeau i tha Zelenskyt se çdo inkursion i mëtejshëm ushtarak në Ukrainë do të kishte pasoja për Rusinë, siç janë sanksionet.
Ndërkohë, Ministrja e Punëve të Jashtme të Kanadasë, Mélanie Joly njoftoi se vendi po zhvendos ambasadën e tij në Ukrainë nga Kievi në Lviv për shkak të përkeqësimit të vazhdueshëm të situatës së sigurisë të shkaktuar nga grumbullimi i trupave ruse në kufirin e Ukrainës.
“Ne do të rifillojmë operacionet në ambasadën në Kiev sapo situata e sigurisë në Ukrainë të na lejojë të sigurojmë ofrimin e duhur të shërbimeve dhe të garantojmë sigurinë e stafit tonë”, shtoi Joly.
