Vlen të theksohet se Atalanta ka edhe dy takime për të luajtur, pasi ka edhe një ndeshje të prapambetur.
ITALI – Atalanta siguron matematikisht zonën Champions, ndonëse i kanë mbetur edhe dy takime nga mbyllja e kampionatit. Skuadra e Gian Piero Gasperini-t bindi me rezultatin 0-2 në transfertën e Lecce-s, me takimin e javës së 37-të që u dominua nga bergamaskët.
Me pjesën e parë që u mbyll me porta të paprekura, u desh minuta e 48’ që De Ketelaere të gjente rrugën drejt rrjetës dhe të zhbllokonte sfidën.
Ndërsa në minutën e 53’ Scamcca shënoi golin e dytë për miqtë dhe vulosi këtë përballje. Sa u përket lojtarëve shqiptarë Ramadani dhe Berisha nga Lecce e nisë takimin nga minuta e parë, teksa Gjimshiti nga Atalanta u aktivizua në minutën e 62’.
Pas këtij takimi Lecce renditet në vend të 13-të me 37 pikë, teksa Atalanta në vend të pestë me 66 pikë, 6 pikë më shumë se Roma e vendit të gjashtë, por me statistika më të mira sa u përket ndeshjeve direkte. Vlen të theksohet se Atalanta ka edhe dy takime për të luajtur, pasi ka edhe një ndeshje të prapambetur.
