Merkatoja e verës ka nisur me largime nga Interi dhe një ndër futbollistët që i ka dhënë lamtumirën zikaltërve, është edhe mbrojtësi shqiptar Andi Hoti. Mbrojtësi 20-vjeçar do të luajë në kategorinë e dytë të futbollit gjerman ose më konkretisht, te skuadra e Magdeburg.
Palët kanë arritur marrëveshje ditën e sotme dhe vetë klubi gjerman e ka zyrtarizuar transferimin e mbrojtësit të Kosovës. Hoti e njeh mirë kampionatin gjerman duke qenë se ka luajtur edhe me të rinjtë e Freiburg, teksa ishte i huazuar sezonin e shkuar.
“Me Andi Hotin po marrim një lloj lojtar shumë të trajnuar që dëshiron të bëjë hapin e radhës me skuadrën tonë. Ai ka potencial të afirmohet edhe në kategorinë e dytë. Ndryshimi ka qenë pjesë për disa kohë por ka nevojë për gjëra më formale dhe do të ndodhin tani”,– shprehet drejtori sportiv i Magdeburgut Otmar Schork.
