Një asteroid i sapo zbuluar ka një shans 1.2% për të goditur Tokën në vitin 2032, njoftoi Agjencia Evropiane e Hapësirës (ESA), e cila do të koordinojë gjurmimin e tij për të parashikuar më saktë rrugën e tij. Asteroidi 2024 YR4 u zbulua dhjetorin e kaluar, falë një teleskopi special për zbulimin e rrezikut të vendosur në Kili. Ai vlerësohet të jetë 40-100 metra i gjatë dhe mund të bjerë në Tokë më 22 dhjetor 2032, sipas sistemeve të paralajmërimit automatik.
Ndërkaq, elementet kryesor të ndërtimit të jetës janë zbuluar në një asteroid që NASA po e studionte prej vitesh. Një nga misionet më të rëndësishme të agjencise hapesinore po jep tashmë rezultatet shkencore. OSIRIS-REx u nis në asteroidin Bennu afër tokës dhe mblodhi pluhur nga shkëmbinjtë e tij. Kur udhëtimi përfundoi në vitin 2020, materiali u nda mes studiuesve nga e gjithë bota. Dy studime të publikuara zbuluan se asteroidi përmbante shumë elemente, të tilla si aminoacide dhe përbërës të gjetur në ADN e gjallesave në tokë.
Për më tepër, studiuesit zbuluan kripëra në rezervuarin Bennu dhe minerale thelbësore për jetën, duke përfshirë disa që nuk janë gjetur më parë në mostrat e asteroideve. Asteroidët si Bennu janë objekte shkëmbore ose metalike në orbitë rreth Diellit. Që kur mostrat Bennu u kthyen në Tokë shkencëtarët kaluan qindra orë duke i analizuar. Instrumentet në anijen kozmike OSIRIS-REx bënë vëzhgime të dritës së reflektuar që zbuloi mineralet dhe organikët më të bollshëm kur ishte afër asteroidit Bennu dhe analizat laboratorike përputheshin me ato vëzhgime.
Mostrat janë kryesisht argjilë e pasur me ujë, me minerale sulfide, karbonate dhe oksid hekuri. Zbulimi i mineraleve të rralla brenda mostrave Bennu ishte befasues edhe për studeiuesit, pasi raste të tilla janë shumë të rralla. Mineralet që u gjetën ishin të dominuara nga natriumi, duke përfshirë karbonate dhe sulfate. Këto minerale formohen kur uji avullon. I njëjti proces avullimi formoi gjithashtu shtretërit e lashtë të liqeneve që i kemi parë këto minerale në Tokë.
