Vdekja e 23-vjeçarit, Rafael Tafaj teksa po punonte, pa asnjë kusht sigurie, çoi në pranga pronarin e gomisterisë Xhemal Duka.
Gjykata e Durrësit caktoi masën e sigurisë “arrest me burg” për pronarin e gomisterisë, Xhemal Duka, ku humbi jetën punonjësi 23-vjeçar.
Ngjarja e rëndë ndodhi më 6 korrik në zonën e Kënetës. Mësohet se Rafael Talaj humbi jetën në vendin e tij të punës pas një incidenti që ndodhi gjatë momentit kur frynte gomën e një kamioni, e cila shpërtheu duke i shkaktuar atij vdekjen. Pronari i gomisterisë akuzohet për “Shkelja e rregullave të mbrojtjes në punë”.