– Në fund të ndeshjes së “Etihad Stadium” Manchester Cityn arriti të marrë një fitore të qartë ndaj Brighton. Trajneri i kampionëve në fuqi, Pep Guardiola, ka komentuar në mikrofonat e BBC Sport ecurinë e skuadrës dhe perspektivat për titullin e premier League:
“Ishte një test i mirë, ne luajtëm shumë mirë dhe për këtë arsye fituam. Çfarë ndryshoi në pjesën e dytë? Mendoj se luajtëm njësoj në pjesën e parë dhe të dytë, ndryshimi është se shënuam. Por edhe në pjesën e pare, loja ishte e shkëlqyeshme, bëmë shumë mirë edhe pa top, nuk e lamë kundërshtarin të mendojë, nuk e lejuam Brighton të luante me cilësinë e tij të zakonshme. Në pjesën e dytë gjetëm golat që nuk kishin ardhur edhe në pjesën e parë”.
Për zëvendësimet?
“Stones kishte një shqetësim në kyçin e këmbës dhe i dhashë hapësirë Dias. Aké gjithashtu nuk ishte në maksimumin e tij, do ta vlerësojmë nesër. Dias? Është i rëndësishëm për ne. Nuk është e lehtë të qëndrosh jashtë për javë të tëra dhe të gjesh ritmi i ndeshjes, por mendërisht ai është i fortë dhe i përgatitur mirë”.
De Bruyne u zgjodh lojtari i ndeshjes, ai arriti në 300 ndeshje me fanelën e Cityt?
“Ishte një blerje e shkëlqyer. Është blerë para se të mbërrija dhe unë duhet të përgëzoj klubin që e zgjodhi atë. Një lojtar dhe një njeri i madh. Kur ai është i aftë fizikisht dhe mendërisht, është në gjendje të tregojë potencialin e tij të madh. Ai rol është i pandalshëm, sidomos në tranzicion. Ai po kalon një finale të pabesueshme sezoni”.
Keni folur për shtatë finale, kanë mbetur edhe gjashtë, cilat janë ndjesitë?
“Sot ne jemi kualifikuar matematikisht në Champions League e ardhshme. Disa mund të thonë se është normale, por jo, nuk është normale, shikoni sa skuadra të forta po luftojnë për katër pozitat e para. Ne jemi tashmë të kualifikuar dhe kjo është e mirë. Për titullin, ne nuk jemi budallenj: Nëse lëmë dy pikë rrugës, vetëm një barazim nuk mjafton dhe Liverpooli mund të bëhet kampion. Nëse i fitojmë të gjitha, ne do të jemi kampionë. Lojtarët e dine, por edhe ne e dimë saktësisht se ndeshje të vështira na presin. Do të përpiqemi të luajmë si sot dhe t’i fitojmë të gjitha ndeshjet: nëse ndodh do të festojmë, nëse nuk ndodh, do të urojmë Liverpoolin.”
