Tre meshkuj të moshave 50 deri në 75 vjeç,pjesë e “bandës së gjyshit” prej gjashtë anëtarësh, janë arrestuar këtë të premte në Romë, të akuzuar për grabitje të zyrave postare në kryeqytetin italian dhe rajonin e Lazios.
Sipas prokurorisë, grupi grabiti shpesh zyrat postare duke hapur gropa në mur për të hyrë në institucione, raportojnë mediat italiane.
Të dyshuarit kryesorë janë një 70-vjeçar dhe një tjetër 66-vjeçar, të cilët sipas pretendimeve kanë hyrë të armatosur në postë në maj të vitit të kaluar në lagjen San Giovanni të Romës, ku kanë kërcënuar drejtorin dhe kanë vjedhur 195.000 euro.
Anëtarët e tjerë të dyshuar janë ende nën hetim për të përcaktuar rolin e tyre në grabitje dhe u kërkohet të raportojnë në policinë gjyqësore në Romë.
