Një helikopter i ushtrisë shqiptare, që po kthehej nga Franca, ka pësuar një defekt dhe ka bërë ulje emergjente në një fushë në Poppi, Cesantino.
Lajmi është bërë i ditur nga mediat italiane, ndërsa nga ministria shqiptare e Mbrojtjes nuk ka informacion, siç ndodh rëndom në këto raste.
Helikopteri shqiptar ka bërë uljen e emergjencës në Arezzo, Itali. Karabinierët e zonës kanë nisur hetimet në lidhje me gjithë këtë ngjarje dhe shpjegojnë se ato do të jetë të gjata dhe komplekse, për shkak të përfshirjes së mjeteve ushtarake.
Anëtarët shqiptarë të ekuipazhit mësohet se janë të gjithë mirë.
