TIRANE – Vora është në festë. Shampanja është hapur edhe pse kanë mbetur edhe dy javë nga përfundimi i kampionatit të Kategorisë së Parë. Skuadra e drejtuar nga Arian Bellai ditën e sotme ka shkruar historinë në futbollin shqiptar.
Kryesuesit e Kategorisë së Parë ditën e sotme triumfuan 2-0 përballë Burrelit dhe në këtë mënyrë kanë siguruar matematikisht ngjitjen në Superiore. Një sukses i jashtëzakonshëm nga futbollistët, stafi dhe klubi, të cilët për herë të parë në historinë e tyre sezonin e ardhshëm do të luajnë në elitën e futbollit shqiptarë.
Për këtë sukses ka reaguar menjëherë klubi. Në rrjetet sociale kanë shkuar se tashmë misioni i tyre për të siguruar Superioren tashmë është kompletuar.
“Misioni u kompletua, Superiore ne po vijmë”,shkruhet në postimin e kryesuesve të Kategorisë së Parë, të cilët tashmë janë një hap drejt titullit në këtë kategori.
