Edhe pse mendohet dhe pretendohet se vdekja është e pamundur të parashikohet, përveç rastit të sëmundjeve të pashërueshme kur mjekët japin prognoza, ka njerëz që e përgënjeshtruan është fakt. Gjithsej tre njerëz në botë janë zbuluar se kanë parashikuar saktë vdekjen e tyre.
Mark Twain parashikoi vdekjen në ditën e saktë
Një nga shkrimtarët më të mëdhenj amerikanë ka parashikuar të ardhmen e tij. Në vitin 1909, ai tha me shaka se herën tjetër që kometa e Halley të kalonte pranë tokës, ai do të shkonte bashkë me të. Për t’i bërë gjërat edhe më interesante, ai theksoi se kometa ishte e dukshme në vitin kur Tëain lindi në 1835. Shkrimtari shpesh pretendonte se do të zhgënjehej nëse nuk do të vdiste herën tjetër që kometa të kalonte. Dhe në fakt ashtu ndodhi. Parashikimi i Tëain ishte i saktë; ai vdiq nga një atak në zemër më 21 prill 1910, në Stormfield, një ditë pas afrimit më të afërt të kometës me Tokën.
Lojtari i NBA-së që parashikoi vdekjen e tij deri në detajet më të vogla
Pete Marević, i njohur gjithashtu si Pistol, është për shumë një nga lojtarët më të mirë në historinë e NBA. Marević ishte 26 vjeç, kur në një intervistë për “Beaver County Times”, ai deklaroi se nuk dëshironte të luante në NBA për 10 vite dhe se do të vdiste nga një atak në zemër në moshën 40-vjeçare. Kjo është pikërisht ajo që ndodhi. Basketbollisti me origjinë serbe luajti edhe 6 vite të tjera dhe vdiq. Më vonë, u konstatua se ai kishte lindur me një defekt të rëndë në zemër dhe se ishte një mrekulli që ai zgjati më shumë se 20 vjet.
Matematikani llogariti datën e vdekjes së tij
Abraham de Moivre ishte një matematikan i famshëm francez, i cili punoi së bashku me Edmond Halley në tabelat e vdekshmërisë. Kur mbushi 87 vjeç, vuri re se flinte 15 minuta më shumë se më parë. Ai llogariti se do të vdiste më 27 nëntor 1754, kur edhe vdiq vërtet.
