Policia e Pogradecit është vënë në kërkim të një personi me precedent penalë, i cili ka plagosur pas mesnate në një lokal në fshatin Bishnicë, Bledi Shahinin.
Burime bënë të ditur se personi në kërkim është 35-vjeçari Spartak Çela, që shfaqet në fotot e mëposhtme, ai banon në fshatin Buzaisht.
Duket se Çela ka qënë i dehur në momentin kur ka hyrë në lokal dhe ka shtënë me armë.
Ngjarja, sipas Policisë:
Më datë 21.08.2020, rreth orës 02:00, në një lokal në fshatin Bishnicë, pas një konflikti të çastit shtetasi A. Ç., rreth 35 vjeç, dyshohet se ka plagosur me armë zjarri tip automatik shtetasin B. Sh., i cili aktualisht ndodhet në Spitalin e Pogradecit, jashtë rrezikut për jetën.
Autori i dyshuar është larguar me shpejtësi nga vendngjarja, ndërkohë arma e zjarrit është gjetur dhe sekuestruar në cilësinë e provës materiale.
Nga ana e Policisë, po punohet intensivisht për kapjen e shtetasit A. Ç., si edhe sqarimin e plotë të rrethanave të ngjarjes.
