Mëngjesi i Pashkëve, 21 prilli, nuk ishte një zgjim normal për ish trajnerin e Kombëtares, Christian Panucci. I gjendur në Dubai, së bashku me bashkëshorten e tij për pushime, Panucci është njoftuar se në vilën e tij, në periferi të Romës, i ishte djegur makina, një automjet tip Audi.
Për fat të mirë, zjarrfikësit arritën në kohë duke shuar zjarrin i cili nuk preku pjesë të tjera të banesës, por shkrumbojë totalisht mjetin e tij. Autoritet lokale po punojnë për të zbuluar shkaqet e këtij incidenti, ku dy janë pistat kryesore, zjarrëvënie e qëllimshme, por nuk përjashtohet as mundësi që të ketë rënë një mase.
I pyetur nga mediat italiane, Panucci nuk preferoi të komentojë pasi fillimisht pret që autoritet të zbardhin plotësisht ngjarjen.
