Ultrasit e PSG kërkojnë largimin e Naser Al-Khelaifit. Gjithçka lidhet me eleminimin e skuadrës pariziene në raundin e 1/8 të Champions League përballë Real Madrid. Me anë të një letre e cila tashmë është bërë publike, tifozët e klubit tani kanë bërë thirrje për një “riorganizim të plotë në të gjitha nivelet” dhe kanë konsideruar Nasser Al-Khelaifin – si rrënjën e problemit.
“Ftojmë të gjithë tifozët që të bashkohen në veprimet tona pa dhunë, shkruhej fillimisht në deklaratë.“Ne nuk kemi një kujtesë të shkurtër. Ne e dimë se çfarë i detyrohet kthimit tonë presidenti Nasser Al-Khelaifi, por është e qartë se ai nuk është njeriu për këtë detyrë”. “Si mund të keni një plan të vërtetë loje kur skuadra juaj nuk është gjë tjetër veçse një grup ‘yjesh’ që mezi komplimentojnë njëri-tjetrin?” Përfundonte letra.
Në fakt ultrasit e PSG kanë konfirmuar se do të protestojnë në çdo ndeshje që skuadra do të luajë, madje edhe në takimin e ditës së sotme. Al Kelaifi dhe investitorët e tjerë nga Katari kanë shpenzuar plot 1 miliard euro në këto 11 vite në mënyrë që PSG-ja të fitojë Champions League-n.
