Emmanuel Egbo përjetoi momentet e tij të famës, që ndoshta kurrë nuk e kishte menduar se mund ta kishte, por pikërisht atëherë trajneri nigerian, afrikani i parë që fiton një titull kampion si trajner në Europë me Tiranën, do të duhet të largohet nga Shqipëria për një tjetër aventurë.
Egbo do të udhëtojë drejt Arabisë Saudite për të firmosur si zv. trajner me Ohod Club në ligën e dytë.
Nigeriani prej nëntorit të vitit 2020 ka qenë i papunë, pas largimit nga bardheblutë e kryeqytetit. Skuadra e re e Egbo luan në ligën e dytë të këtij vendi dhe mban pozicionin e tretë, me objektiv për elitën e këtij vendi.
