Ky filmim tregon momentet kur një kandidat për president në Ekuador qëllohet për vdekje në një atentat më armë. Fernando Villavisensio u ekzekutua teksa dilte nga një takim elektoral në një shkollë në kryeqytetin Kuito. Autori i dyshuar u ekzekutua nga policia, gjatë tentativës për t’u larguar nga vendi i ngjarjes, moment që është fiksua edhe në këtë filmim.
Përgjegjësinë për atentatin e mori karteli famëkeq i kokainës “Los Lobos” i dyti më i madh në shkallë vendi me mbi 8 mijë pjesëtarë, shumë prej të cilave vuajnë dënime në burgje. Atentati mendohet se ka lidhje me premtimet e Villavisensios për luftë të ashpër kundër karteleve të drogës dhe krimit të organizuar, nëse zgjidhet president.
59-vjeçari, deputet i parlamentit, ish-gazetar dhe sindikalist akuzonte hapur presidentin e dorëhequr Gijermo Laso dhe qeverinë për korrupsion dhe lidhje me krimin. Megjithatë, vetë presidenti në detyrë e konsideroi ngjarjen një krim të shëmtuar që nuk do të kalojë pa u ndëshkuar. Vitet e fundit, kartelet e drogës në Ekuador janë fuqizuar duke e shndërruar vendin në qendër prodhimi trafikimi të kokainës, çka ka bërë që grupet kriminale të huaja përfshirë edhe ato nga Shqipëria të lidhin aleancë me vendasit.