Biznesmeni shqiptar Klodjan Allajbeu duket se ka zgjeruar influencën e tij në fushën mediatike, pasi ka bërë një blerje të fuqishme të një media në Kosovë.
Burime brenda Gazetës Express bëjnë me dije se televizioni AbcNews nga Tirana ka mbyllur blerjen e Gazetaexpress.com dhe televizionit T7.
Sipas po të njëjtave burime, thuhet se të hënën dhe të martën në ambientet e T7 dhe Express dhe kanë qenë pronari i Abcneës Klodjan Allajbeu, CEO Idaver Sherifi, dhe gazetari Enkel Demi, të cilët kanë inspektuar ambjentet dhe janë takuar me drejtuesit.
Megjithatë thuhet se brenda Gazetës Express ka shumë pakënaqësi dhe pasiguri pasi është përfolur emri i Baton Haxhiut për të marrë drejtimin e grupit mediatik, gjë që është mohuar nga pronari aktual Berat Buzhala duke siguruar stafin e ngushtë se drejtori i ri do të vijë nga Shqipëria dhe nuk do të jetë Baton Haxhiu.
Mes stafit flitet se mund të jetë drejtori aktual i Abcnews Idaver Sherifi, ai që mund të marrë drejtimin e Gazetës Express dhe tv T7 për shkak të njohjeve të vjetra me një pjesë të stafit si dhe eksperiencës së tij me mediat online si themelues i Albeu.com.
Bisedimet për shitjen kanë filluar para disa muajsh ndërsa këtë të martë është arritur marrëveshja ndërsa nënshkrimi zyrtar i shitjes do të bëhet brenda disa javëve. Edhe pse nuk dihet saktë, mendohet që vlera e kësaj shitjeje është 3 milion euro.
Ndërkohë që flitet se pas Klodian Allajbeut fshihet një politikan i rëndësishëm i mazhorancës aktuale i cili është i përfolur në qarqet politike dhe mediatike.
