Pretendimet e kandidatit më të votuar në Partinë Demokratike, Ilir Alimehmeti, janë rrëzuar sot nga Kolegji Zgjedhor pas kërkesës së tij për rinumërim të kutive.
Kërkesa është rrëzuar edhe për Alulon Kalanë, i mbështetur nga Partia Balli Kombëtar, ndërsa vendimi u shty për kandidatin për deputet të PD në qarkun Kukës, Shkëlqim Shehu, pasi ai mungoi.
Të tre kandidatët ankimuan vendimin në Kolegjin Zgjedhor më datë 2 qershor pasi KAS rrëzoi kërkesat për rinumërim të kutive.
Shehu dhe Alimehmeti e humbën mandatin me diferencë të vogël votash.
Megjithatë, për kandidatët e qarkut Tiranë ka një mundësi të dytë, pasi KAS vendosi më 5 qershor që Tirana t’i nënshtrohet sërish procesit të rinumërimit.
