Informacione shtetsë kanë dalë në lidhje me arrestimin e efektivëve të policisë së Fierit dje nga Shërbimi i çështjeve të Brendshme dhe Ankesave për lejimin e kultivimit të lëndëve narkotike.
Sipas të dhënave, 5 punonjësit e policisë rezultojnë se nuk kanë raportuar të dhëna të sakta në Prokurorinë e Fierit për kontrollet me dron të parcelave me drogë në Poçem të Mallakastrës. Për më tepër ata nuk kanë ndërhyrë as për shkatërrimin e parcelave. Kryekomisari Gazmir Preçi ka kryer kontrolle me vonesë në parcela duke u dhënë mundësinë trafikantëve të korrnin bimët narkotike.
Ditën e djeshme, SHçBA arrestoi 5 punonjës të Policisë së Fierit dhe vendosi procedimin e 3 të tjerëve. Të arrestuarit janë:
– Elvin Karaj, (komisar) me detyrë Shef i Seksionit të Krimeve pranë Komisariatit të Policisë Mallakastër,
– Endrit Vika (n/komisar) me detyrë Specialist i Krimeve pranë Komisariatit të Policisë Mallakastër,
– Ermal Beharaj, me detyrë Ndihmës Specialist në Seksionin e Teknologjisë dhe të Përgjimit në DVP Fier,
– Erlind Likaj ( me detyrë SPZ pranë Komisariatit të Policisë Mallakastër,
– Ornel Kuqari, me detyrën e Laborantit Kriminalistik pranë DVP Fier.
Gjykata e Shkallës së Parë të Fierit vendosi masën “Detyrim paraqitje” për:
– Komisar G.P., në detyrën e ish-Shefit të Komisariatit të Policisë Mallakastër
-Inspektor Y. K., me detyrë SPZ pranë Komisariatit të Policisë Mallakastër
-Inspektor I.B., me detyrë SPZ pranë Komisariatit të Policisë Mallakastër
Vijon…
