Policia ka arrestuar një person për korrupsion, i cili ushtronte detyrën si Inspektor në Drejtorinë Hetimit Tatimor në Drejtorinë e Përgjithshme e Tatimeve.
Policia ka arrestuar një person për veprën penale ““Korrupsioni pasiv i personave që ushtrojnë funksione publike”.
Sipas informacioneve, 37 vjeçari me iniciale E. T., ushtronte detyrën si Inspektor në Drejtorinë Hetimit Tatimor në Drejtorinë e Përgjithshme e Tatimeve.
Nga hetimet e kryera ka rezultuar se 37 vjeçari iu kërkonte dhe iu merrte shuma të konsiderueshme monetare subjekteve të ndryshme private, si këmbim për të mos i hetuar dhe mos i referuar në prokurori, kur këto subjekte konstatoheshin në shkelje.
Në cilësinë e provës materiale u sekuestrua shuma monetare prej 5000 eurosh, të cilën ky person ia kishte marrë administratorit të një subjekti privat.
Materialet procedurale i kaluan Prokurorisë së Posaçme Kundër Korrupsionit dhe Krimit të Organizuar Tiranë, për veprime të mëtejshme hetimore.
