ITALI – I intervistuar nga Dazn në fund të ndeshjes, Kristjan Asllani, autori i golit të vetëm zikaltër nga penalltia, komentoi fitoren e Interit ndaj Veronës.
“Ne të gjithë duhet të punojmë së bashku, jemi një ekip i fortë brenda dhe jashtë. Nuk ka rëndësi kush luan dhe kush jo, të gjithë jemi të rëndësishëm. Ndeshja më e rëndësishme e vitit po vjen të martën. Finalja e Ligës së Kampionëve?
Ne donim të shkonim deri në fund në të gjitha garat, humbëm disa pikë në ligë, por kurrë nuk e di çfarë mund të ndodhë. Ne duam të shkojmë në finale, duhet të jemi të kujdesshëm”.
Mesfushori Kristjan Asllani, i cili luan edhe për Kombëtaren shqiptare, shënoi gol në Serie A për herë të parë që nga 4 marsi 2024 (kundër Genoas), i pari i tij në këtë garë nga penalltia, duke barazuar numrin e pjesëmarrjeve të regjistruara në divizionin e fundit (tre, një gol dhe dy asiste edhe në atë rast).
Asllani u vlerësua me notën 7, më të lartën te Interi, duke u vlerësuar edhe si lojtari më i mirë i ndeshjes…
