Ish-i dërguari i Posaçëm i SHBA-ve për dialogun Prishtinë-Beogad, Richard Grenell, ka reaguar për krizën energjetike që po kalon aktualisht Kosova.
Grenell ka thënë se kryeministri Albin Kurti duhet të kthejë mbrapsht vendimin për refuzimin e projektit për gazsjellësin amerikano-evropian.
“Albin Kurti duhet të kthejë mbrapsht vendimin e tij për të refuzuar një tubacion gazi amerikan dhe evropian. Kriza energjetike është problem serioz”, ka shkruar Grenell.
“Reuters” shkruan sot se Kosova po përballet me krizën e saj më të rëndë energjetike në një dekadë.
Në artikull thuhet se shumë biznese dhe familje në Kosovë janë pajisur me gjeneratorë, pasi kompania e shpërndarjes së energjisë në vend, KEDS, njoftoi se do të prezantojë reduktimet e energjisë elektrike prej dy orësh deri në njoftimin e radhës.
