Specialistët për Hetimin e Krimeve në Komisariatin e Policisë Nr. 1 bënë ekzekutimin e vendimit penal për shtetasin në kërkim I. D., 26 vjeç, banues në Farkë, pasi Gjykata e Rrethit Gjyqësor Tiranë i ka caktuar masën e sigurisë “Arrest në burg” për veprën penale “Kanosja për shkak të detyrës”.
Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasve:
– R. Xh., 40 vjeç, pasi ka ushtruar dhunë fizike dhe psikologjike ndaj babait të tij;
– F. C., 46 vjeç, pasi gjatë një konflikti, ka goditur me mjet prerës shtetasin G. K., 38 vjeç, i cili ndodhet në spital, jashtë rrezikut për jetën.
Specialistët për Hetimin e Krimeve në Komisariatin e Policisë Nr. 5 bënë kapjen e shtetasit në kërkim M. L., 39 vjeç, pasi Gjykata e Rrethit Gjyqësor Tiranë i ka caktuar masën e sigurisë “Arrest në burg”, për veprën penale “Kalimi i paligjshëm i kufirit shtetëror”.
Specialistët për Hetimin e Krimeve në Komisariatin e Policisë Kavajë bënë arrestimin në flagrancë të shtetasit A. A., 18 vjeç, pasi u kap duke drejtuar motomjetin, pa leje drejtimi.
Specialistët e Qarkullimit Rrugor bënë arrestimin në flagrancë të shtetasve:
– D. M., 33 vjeç, pasi duke drejtuar mjetin, ka aksidentuar shtetasit K. F., 20 vjeç dhe D. F., 23 vjeçe, dhe është larguar nga vendi i aksidentit;
– B. D., 49 vjeç, pasi u kap duke drejtuar motomjetin, në gjendje të dehur;
– D. Ç., 24 vjeç, pasi u kap duke drejtuar motomjetin, pa leje drejtimi.
—
Më datë 12.05.2022, shtetasi F. K., 47 vjeç, ka kallëzuar se është larguar nga banesa dhe nuk është kthyer më, vajza e tij e mitur, shtetasja E. K., 16 vjeçe. Punohet për gjetjen e saj.
Materialet i kaluan Prokurorisë për veprime të mëtejshme procedurale.
