BRITANI E MADHE- Këngëtari Harry Styles është shpallur ylli më i pasur në Mbretërinë e Bashkuar nën 30 vjeç për të dytin vit radhazi me një pasuri prej 175 milionë dollarë, shkruan Dailymail. Këngëtarja me origjinë shqiptare, Dua Lipa është në vendin e dytë me një pasuri prej 82.5 milionë dollarë.
Harry Styles theu shifrën prej 150 milionë dollarësh për herë të parë në vitin 2023 falë “Love On Tour” të tij. Suksesi i tij muzikor mbështetet gjithashtu nga një marrëveshje me pesë filma me Marvel për të luajtur Eros Starfox.
Sipas “Heat’s Rich List” Niall Horan qëndron në vendin e tretë me fitime prej 60.4 milionë dollarë i ndjekur nga ish-shokët e tij të grupit, Liam Payne me 49.4 milionë dollarë dhe Zayn Malik me 38.5 milionë dollarë.
