Prej dy javësh, Inspektoriati Kombëtar i Mbrojtjes së Territorit po zhvillon një aksion per prishjen e 30 bizneseve të paligjshme në bregdetin e Vlorës.
Ky aksion është i fokusuar në zgjerimin e projektit të “Lungomare 3” (zgjerimi i shëtitores së qytetit) dhe përfshin biznese të ndryshme, kryesisht bare, beach bare dhe restorante, të cilat kanë struktura të ndërtuara nga dru ose beton.
Puna për realizimin e këtij projekti ka nisur para dy javësh, dhe bizneset kanë marrë një afat deri më 15 nëntor për të boshatisur objektet e tyre. Ky proces nuk ka hasur në kundërshti, shumica e bizneseve, të cilët kanë filluar tashmë të boshatisin subjektet.
Ndërkohë, për ato biznese që pengojnë ecurinë e punës dhe nuk pranojnë të lirojnë objektet deri në afatin e përcaktuar, Inspektoriati ka paralajmëruar se do të vazhdojnë procedurat e prishjes dhe do të aplikohen gjoba për shkeljen e ligjit.
