TIRANË- Një aksident me pasojë vdekjen ka ndodhur ditën e sotme në Tiranë. Sot, Policia e Shtetit ka vënë në pranga një 38-vjeçar, Ruzhdi Taka, banues në Tiranë pasi dyshohet se ka përplasur me makinë një 51-vjeçare. Për fat të keq, gruaja nuk mundi t’u mbijetonte plagëve.
Njoftimi i policisë:
Specialistët e Qarkullimit Rrugor arrestuan shtetasit: – E. S., 42 vjeç, R. Z., 55 vjeç, E. S., 25 vjeç, L. Xh., 34 vjeç, D. C., 40 vjeç dhe V. Gj., 20 vjeçe, pasi u kapën duke drejtuar automjetet, nën efektin e alkoolit; – R. T., 38 vjeç, banues në Tiranë, pasi duke drejtuar automjetin, ka aksidentuar shtetasen Sh. A., 51 vjeçe, e cila si pasojë e aksidentit ka humbur jetën.
