Roberto Mancini po mendon për dorëheqjen e tij. Vendimi duket se është marrë, por presidenti i FIGC, Gabriele Gravina, po përpiqet në çdo mënyrë ta bëjë atë të ndryshojë mendje. Trajneri duhet ende të udhëheqë ekipin në miqësoren me Turqinë të martën dhe pastaj t’i thotë lamtumirë grupit dhe ekipit kombëtar.
Gjithsesi, gjuetia për një zëvendësim tashmë ka filluar dhe Fabio Cannavaro është në ‘pole’ me Marcello Lippin si drejtor teknik. Në muajt e fundit, Andrea Pirlo dhe Claudio Ranieri, gjithashtu janë hetuar në rast të një dështimi në “play-off”, që pastaj ndodhi, ndërkohë si opsion për postin e post-Katarit 2022, përmendet edhe Stefano Pioli, i cili ka një kontratë me Milanin deri në qershor 2023.
Gjithsesi pritet që Mancini të largohet. Shumë i madh zhgënjimi për humbjen e kualifikimit në Kupën e Botës, një goditje e fortë për t’u tretur në një nivel moral për të. Pavarësisht kontratës së nënshkruar deri në vitin 2026, në ditët e ardhshme trajneri do të bëjë zyrtare dorëheqjen e tij dhe do t’i thotë lamtumirë.
Gabriele Gravina pothuajse ka hequr dorë dhe tashmë po mendon se kush do ta zëvendësojë trajnerin kampion europian. Hipoteza e parë është se, siç u përmend, e dyshes Cannavaro-Lippi, që e njohin mjedisin ‘azzurr’ në mënyrë të përsosur. Në muajt e fundit, janë bërë sondazhe edhe për një tjetër ish-kampion bote, Andrea Pirlo, si dhe për profile më me përvojë: trajneri i Milanit Stefano Pioli dhe Klaudio Ranieri, i cili mund ta mbyllte karrierën e tij me këtë post.
