Një xhami në rajonin verior francez të Oise është mbyllur për shkak të predikimeve radikale të një imami, që thuhet se ka mbrojtur xhihadin. BBC shkruan se xhamia në qytetin e Beauvais do të qëndrojë e mbyllur për gjashtë muaj.
Prefekti i Oise tha se në predikim luftëtarët xhihadistë quheshin heronj dhe nxisnin urrejtje e dhunë. Franca ka kryer kontrolle në objektet islamike të adhurimit të dyshuara për lidhje me ekstremizmin.
Dy javë më parë, Ministri i Brendshëm Gérald Darmanin tha se ai po fillonte një proces për mbylljen e Xhamisë së Madhe të Beauvais, 100 km në veri të Parisit, sepse imami tallte të krishterët, homoseksualët dhe hebrenjtë në predikimet e tij.
Ministria e Brendshme e Francës tha se kishte hetuar rreth 100 xhami dhe salla lutjesh mbi një ekstremizëm të tillë në muajt e fundit, nga gjithsej më shumë se 2,620 në Francë.
